කන්න කන්න මේකත් බලන්න!

කාලෙකට පස්සෙ ආවෙ නේද?.... ඉස්සෙල්ල පෝස්ට් එක නං එච්චර හරි නැතුවැති ඒකනෙ කට්ටිය බලල නැත්තෙ. ඒකට කමක් නෑ. අද එක වත් බලන්‍ටකෝ. (බැලුවෙ නැත්තං මිනී 3යි , පෙස්ටි 2යි හරිය. මල් වඩං මගේ ගානෙ ගෙදෙට්ටම)  මේ දවස් ටිකේ ප්‍රසන්ටේශන් එකකට කොටු වෙලා ඉදියෙ ඒකයි පෝස්ට් 1ක් දාන්න බැරි වුනේ.. දැං ඉතිං ඒකෙන් කමක් නෑ. මේක බලන්න..

පොඩ්ඩක් හිතන්න ඔයත් සත්තුන්ගෙ මස් කනව නේද? (ම්ම්ම්ම් ආසයි නේ?) දැං කන්නෙ නැත්තං ඉස්සර හරි කාල ඇතිනෙ. මස් වර්ග වලින් අපේ ඇගට පෝෂ්‍ය කොටස් ඇතුල් වෙනව. ඒක මම නෑ කියන්නෙ නෑ ඒත් ඒ සත්තු මරන හැටි කවදා හරි දැකල තියෙද? සමහරු දැකල ඇති. සමහරු දැකල නැතුවැති.දැකල තියෙන අය තාම කනවනං මේක කියවල බලන්න.


ඔයාට ඔය හිටගෙන ඉන්න කකුල් දෙකට පන නැති වෙන්න පාරක් ගැහුවොත් මොකද්ද වෙන්නෙ? නැත්තං කකුල් දෙකෙන් එල්ලල තිව්වොත්? පණ පිටින් මැසිමක් ඇතුලට යැව්වොත්? කොහොම වේදනාවක් ඇති වෙයිද? සත්තු දහස් ගාණක් මේ ලෝකෙ මේ වෙලාවෙ එහෙම මරණව ඇත්ද? මේ වෙලාවෙ කීදෙනෙක් ඒව රහ කර කර කනව ඇත්ද? පොඩ්ඩක් හිතල බලන්න. අන්න ඒකයි මම කියන්නෙ. අපිට සත්තුන්ගෙ මස් මාළු කෑවෙ නෑ කියල කිසිම ලෙඩක් හැදෙන්නෙ නෑ. මේ ලෝකෙ ඕන තරං මිනිස්සු ඉන්නව ශාක ආහාර විතරක් ගන්න (අර වෙජිටේරියන් කියන්නෙ. හැබැයි ඉතිං හොරට මස් කන වෙජියොත් ඉන්නව.). ඒ මිනිස්සන්ට ඉහෙන් බහින රෝගයක් නෑ. ඉතිං ඇයි අපි මස් කන්නෙ නොකා ඉන්න බැරිද? පොඩි ළමයිනුයි ටිකක් වයසට ගිය අය නං කෑවට කමක් නෑ කියමුකෝ. ඒත් ඇයි අනිත් අය කන්නෙ අනුන්ගෙ කෑම කාල තමන්ගෙ බඩ සෙමෙට්‍රියක් (සුසාන භූමියක්) කර ගන්නෙ මොකටද.

නොකා ඉන්නම බැරි නං මෙන්න මේ Video එක බලන්න*‍* (මිනිත්තු 11ක් වගේ තමයි තියෙන්නෙ) .එතකොටවත් කන්න බැරි වෙයිද බලන්න. කන එක නැවැත්තුවනං තමන්ගෙ අනිත් යාළුවොන්ටයි , නෑදෑයොන්ටයි මේක පෙන්න්න. අපි වගේම අහිංසක පරාණයක් කාල අපි ජීවත් වෙන්නෙ මොකටද ඊට වඩා හොදයි අපි මැරෙනෙක.

මම නං ඉස්සර මස් කෑව ඒත් මේ Video එක අපේ තාත්ත ගෙනත් පෙන්නුවයින් පස්සෙ කෑම සදහටම අත්තැරිය. දැං මං එළකිරි වෙජියෙක්. ආයෙ එකෙන්ම. ඒකයි මමත් මේක දැම්මෙ. ඔයාලත් මේක බලල හොද නරක කියන්නකෝ...

** කුඩා ළමුන් සහ කම්පණය දරාගත් නොහැකි අය නැරඹීමෙන් වලකින්න. 

මම ගියා... බායී!

--විදූ--